ПЕРМЬ ӨЛКӘҺЕНЕҢ БАРҘА, ЧЕРНУШКА РАЙОНДАРЫНДА «АҠБУҘАТ» ЖУРНАЛЫНЫҢ 13-СӨ ҺАНЫ МЕНӘН ТАНЫШТЫЛАР! САРА «ҒӘЙНӘЛӘР. МИНЕҢ ХАЛҠЫМ, МИНЕҢ ТАРИХЫМ» БАШҠОРОСТАН БАШЛЫҒЫ ГРАНТЫ СИКТӘРЕНДӘ ОЙОШТОРОЛДО.

БАРҘА РАЙОНЫНЫҢ ҮҘӘК КИТАПХАНАҺЫНДА БАҪМА, УНЫ НӘШЕР ИТЕҮ, БАШҠОРТСА КИТАПТАР,  БАЛАЛАРҘЫ ТУҒАН МӨХИТТӘ ТӘРБИӘЛӘҮ ХАҠЫНДА ҺӨЙЛӘШЕҮ БАРҘЫ. 

САРАЛА «АҠБУҘАТ» ЖУРНАЛЫНЫҢ БАШ МӨХӘРРИРЕ ЛАРИСА АБДУЛЛИНА, БӨТӘ ДОНЪЯ БАШҠОРТТАРЫ ҠОРОЛТАЙЫ БАШҠАРМА КОМИЕТЕТЫ АҒЗАҺЫ, ПЕРМЬ ӨЛКӘҺЕ БАШҠОРТТАРЫ ҠОРОЛТАЙЫ ЕТӘКСЕҺЕ, ПЕРМЬ ӨЛКӘҺЕ ЙӘМӘҒӘТ ПАЛАТАҺЫ АҒЗАҺЫ РӘСИЛ МӨХӘМӘТЙӘНОВ, КИТАПХАНА МӨДИРЕ ЛИЛИӘ ИСАКОВА, РӘСӘЙ, БАШҠОРТОСТАН ЯҘЫУСЫЛАР СОЮЗЫ АҒЗАҺЫ, ШАҒИР НАИЛ ҒӘБДҮШЕВ, БАРҘА ТУҒАН ЯҠТЫ ӨЙРӘНЕҮ МУЗЕЙЫ ДИРЕКТОРЫ АЛЬБЕРТ МӘХМҮДОВ, УРЫНДАҒЫ КИТАП ҺӨЙӨҮСЕЛӘР, ЖУРНАЛ УҠЫУСЫ БӘЛӘКӘСТӘР ҘӘ ҠАТНАШТЫ.

САРАЛА БАЛАЛАР ӨСӨН СЫҒАРЫЛҒАН БАҪМАНЫҢ ӘҺӘМИӘТЕ ХАҠЫНДА ҺӨЙЛӘШЕҮ БАРҘЫ. 

 Баҫмала төбәктең арҙаҡлы башҡорттары Туҡтамыш Ижбулатов, Исмәғил Тасимов, төбәк географияһы, милли аштар тураһында мәҡәләләр, “Айна менән Ғәйнә”эпосының ҡыҫҡартылған варианты тәҡдим ителгән. Унан тыш, журналдың эске ҡушымтаһында ғәйнә башҡорттары кейемендә милли ҡурсаҡтар баҫылған. “Батыр рухы” комиксында ике ырыу батыры осрашып, уҡ атыу, милли көрәш буйынса көс һынаша. Журналда шулай уҡ балаларҙың эштәре лә баҫылған – Ирина Зоринаның шиғыры, Тимур Савиновтың, Айһылыу Мәсәғүтованың мәҡәләләре, Юлия Мнсадырованың, Арина Ҡунаҡаеваның, Самира Әдүтованың, Риана Әмированың һүрәттәре, Эльвина Фатхуллинаның ҡул эше баҫманы йәмләп тора. Унан тыш, кескәйҙәрҙең “Ғәйнә – башҡорт ырыуы” китабы менән, крайҙың “Сулпан” өлгөлө балалар ансамбле фотолары – шулай уҡ баҫманың күрке. Баҫмалағы барлыҡ материалдар ғалим, телсе Искәндәр Сәйетбатталов тарафынан башҡорт әҙәби теленән ғәйнә диалектына тәржемә ителгән.

– Беҙ Искәндәр Рәсүл улына, рәссамдарыбыҙ Азамат Ғариповҡа, Хаят Йәрмөхәмәтоваға, Артур Вәсиловҡа, Сергей Эйтвидҡа, Ирина Әхмәҙуллинаға, Рида Мөхәмәтшиға, Салауат Ғиләзетдиновҡа һәр материалға күңел биреп ҡарағандары өсөн сикһеҙ рәхмәтлебеҙ! Журналды Башҡортостандан ситтә йәшәгән, әммә боронғо, шул уҡ ваҡытта заманса башҡорт халҡының бер өлөшө булған кескәй милләттәшебеҙгә тәрән һөйөү менән эшләргә тырыштыҡ! – ти баҫманың баш мөхәррире Лариса Абдуллина.